Медицинската сестра вели дека постои еден „феномен“ што луѓето го доживуваат непосредно пред да умрат
Смртта е нешто што најмногу нѐ плаши, но има природни појави кои се случуваат со мозокот и телото кои всушност би можеле да направат да се чувствувате помирно пред да поминете на другата страна.
In This Article:
Медицинска сестра објаснува што сѐ има видено кај пациентите кои умираат
Џули Мекфејден, медицинска сестра за палијативна и интензивна нега во Лос Анџелес, зборуваше за тоа дека многу од нејзините пациенти биле „посетувани“ од членови на семејството кои веќе умреле. Таа зборуваше и за феноменот на „смртен поглед“, каде што пациентот ќе зјапа во далечината и не можете да го оттргнете од тоа. Очигледно, тие гледаат работи како што се ангели, стари пријатели од минатото или се во состојба на спокој. Но, сега, Џули објасни нешто што е малку неочекувано за симптом на претстојната смрт.
„Тие се однесуваат како „стариот јас“
„Еве еден феномен што се случува за време на процесот на смрт и умирање, кој медицинските професионалци, како мене, не можат да го објаснат. Ова е кога некој е навистина болен и е пред умирање, што значи може да умре во рок од неколку дена, а потоа одеднаш изгледа како да е „подобар“.
Се манифестира на различни начини
„Ова може да се манифестира на различни начини, но многу пати тие одеднаш ќе јадат, одеднаш ќе зборуваат, можеби дури и ќе одат, се однесуваат како што биле порано. Тие се смеат, зборуваат шегувајќи се, но потоа обично умираат во рок од неколку дена по ова, понекогаш дури и таа ноќ и тоа им се случува на веројатно една третина од нашите пациенти во хоспис, така што тоа се случува доста“. „Се обидуваме да го едуцираме семејството за ова пред тоа да се случи, за да не ги уништи кога одеднаш тие ќе починат откако ќе поминат толку добро неколку дена“.
Овој феномен е познат како терминална луцидност
„Willed“, служба за пишување тестамент и планирање на погребот, ги сподели знаците кои најчесто се поврзуваат со ова: · Одеднаш изгледаат луцидни и физички посилни · Сакаат да подготват тестамент или други важни документи за крајот на животот · Подаруваат работи · Сакаат да решат конфликти · Сакаат да зборуваат со некое религизоно лице · Бараат да помогнат во нивните сопствени планови за погреб
Што предизвикува терминална луцидност?
Краткиот одговор е дека се потребни повеќе истражувања за целосно да се разбере феноменот, кој на некој начин е во спротивност со она што мислиме дека го знаеме за човечкото тело. Некои експерти сугерираат дека когнитивните функции и сеќавањата на мозокот работат малку поинаку за време на терминалната луцидност отколку што би правеле вообичаено. Научниците теоретизираа дека флуктуациите во функциите на мозокот предизвикуваат краток период на луцидност пред смртта, според Healthline.
