Марк Кјубан: „Со помалку од 20 долари започнав бизнис на 24 години и пропаднав за еден месец – но ова беше лекцијата која ме направи милијардер“
Познатиот инвеститор Марк Кјубан, пред да стане милионер со својата софтверска компанија, се обиде да успее со сосема поинаква бизнис-идеја – продажба на суво млеко. Со помалку од 20 долари во џебот, на 24 години, Кјубан беше подготвен да ризикува сè.
In This Article:
30 дена продажба на суво млеко: Првиот неуспех на Кјубан
Првата бизнис идеја на Марк Кјубан траеше само еден месец. Со минимална инвестиција, купи неколку примероци од суво млеко и му го нудеше на секого што сакаше да го слушне. „Млекото е скапо. Ние сме без пари. Ова ќе ви заштеди пари“, ги убедувал луѓето, но нивните лица кажувале сè – интерес и купувачи немало.
Пропаднатиот бизнис го отворил патот кон милијардите од технологијата
Иако сувото млеко не му донело успех, Кјубан ја научил најважната лекција: „Не е важно колку пати нема да успееш. Доволно е само еднаш да бидеш во право.“ Наскоро го основа MicroSolutions, која ја продаде за 6 милиони долари, а подоцна Broadcast.com за 6 милијарди долари. Денес неговото богатство се проценува на 6 милијарди долари според Forbes.
Вистинскиот совет за почетници: Потта вреди повеќе од парите
Кјубан денес советува: ако немате пари, вложете љубов и труд. „Прво најдете производ или услуга што навистина решава нечии проблеми. Ако сте без пари, најверојатно вашиот бизнис ќе биде услуга" – од приватни часови, пишување до управување со социјални мрежи. Многу успешни луѓе почнале токму така – со малку или без никаква почетна инвестиција, само со своите вештини и труд.
Денес би почнал со вештачка интелигенција – и без денар во џебот
Ако Кјубан денес одново започнуваше, без ниту еден денар, би се фокусирал на вештачка интелигенција. „Би користел бесплатни AI алатки, би учел, би станал експерт и потоа би им помагал на малите бизниси да го зголемат профитот преку технологија. Ако пак останам бездомник, ќе бидам во библиотека и ќе учам додека не ме избркаат“, раскажува Кјубан. Неговиот совет? Бидете упорни – доволно е само еднаш да бидете во право.
