No Image x 0.00 + POST No Image

Македонецот кој ја покори планетата: Гинис го запиша историскиот подвиг на Сашко Кедев - ги освои сите 14 врвови над 8.000 метри!

SHARE
25

Историскиот подвиг на истакнатиот македонски кардиолог и алпинист д-р Сашко Кедев доби официјално признание и запис во престижната Гинисова книга на рекорди. Кедев официјално е впишан како најстар алпинист во светската историја кој успеал да ги искачи сите 14 планински врвови во светот повисоки од 8.000 метри, притоа достигнувајќи ги нивните вистински, највисоки географски точки.

Македонецот кој ја покори планетата: Гинис го запиша историскиот подвиг на Сашко Кедев - ги освои сите 14 врвови над 8.000 метри!

Гашербрум I беше последната точка во предизвикот од 14 осумилјадници

Овој фасцинантен подвиг Кедев го комплетираше на 20 јули 2025 година, кога застана на врвот на Гашербрум I, висок 8.080 метри. На тој ден тој имаше точно 63 години и 14 дена, со што постави светски рекорд кој по детална верификација сега е потврден и сертифициран од Гинис.

Гашербрум I беше последната точка во предизвикот од 14 осумилјадници

„Најстариот алпинист кој ги искачил сите 14 планини повисоки од 8.000 метри“

На својата официјална веб-страница, од Гинисовата книга на рекорди објавија: „Најстариот алпинист кој ги искачил сите 14 планини повисоки од 8.000 метри, достигнувајќи ги нивните вистински највисоки точки, е Сашко Кедев од Македонија (роден на 6 јули 1962 година). Тој го комплетираше овој предизвик на 20 јули 2025 година на возраст од 63 години и 14 дена, кога го достигна врвот на Гашербрум I.“

„Најстариот алпинист кој ги искачил сите 14 планини повисоки од 8.000 метри“

Од Аконкагва до Пункак Џаја, Кедев го затвори и клубот „Seven Summits“

Д-р Кедев воедно е најстарата личност во светот која истовремено ги има искачено сите 14 осумилјадници и највисоките врвови на седумте континенти, познати како ексклузивниот клуб „Seven Summits“. Највисоките континентални точки ги освојуваше во периодот од 14 јануари 2008 година, кога започна со искачувањето на Аконкагва во Јужна Америка, па сè до 6 ноември 2011 година, кога го освои Пункак Џаја (Карстензова пирамида) во Океанија.

Од Аконкагва до Пункак Џаја, Кедев го затвори и клубот „Seven Summits“

Еберхард Јургалски ја потврди верификацијата за Гинис

Рекордот е верификуван и потврден од врвниот консултант на Гинисовата книга на рекорди за алпинизам, Еберхард Јургалски. Со ова светско признание, името на Сашко Кедев добива вечно место во светската историја на планинарството, а Македонија доказ за нескршливиот човечки дух.

Еберхард Јургалски ја потврди верификацијата за Гинис

-->