„Се забавувам со виртуелен „Дрејк“ - моите деца не можат да го прифатат мојот избор на дечко“
Замислете вашата мајка да ви каже дека новиот нејзин партнер е славниот Дрејк – но не реалниот рапер од Торонто, туку AI чатбот верзија на Champagne Papi. Вакво признание слушнале истражувачите од MIT, кои ги проучуваат растечките, неретко шокантни, врски меѓу луѓе и нивните AI партнери. Научниците откриваат емотивен, но и вознемирувачки нов свет – каде што виртуелното често ја заменува човечката блискост, а последиците се дури и трагични.
In This Article:
19% од Американците признаваат дека имале романтични врски со AI
Истражувањето на MIT е прво од ваков обем за феноменот AI партнери. Растечки број луѓе се впуштаат во љубовни авантури со чатботови, дури и кога знаат дека нивниот нов љубовен партнер е само алгоритам. Во Reddit-групата r/MyBoyfriendIsAI, избраното поле за истражување, учесниците често се соочуваат со неразбирање од семејството – деца кои не можат да ја прифатат новата реалност, но и тајност: 72,1% од испитаниците не споменуваат вистински партнер, а само 4,1% откриваат дека нивниот партнер знае за AI врската.
Самотијата и срамот водат кон врски со AI, најчесто случајно, не по избор
Само 6,5% од луѓето од групата признале дека намерно барале виртуелен партнер преку платформи како Replika или Character.AI. Повеќето, пак, случајно развиваaт емотивни врски со ChatGPT додека го користат за секојдневни задачи. „Корисниците опишуваат природна еволуција од креативна колаборација или решавање проблеми во изненадувачка емотивна поврзаност“, заклучуваат MIT-истражувачите. Некои велат дека AI партнерот им е подобар слушател од секој во минатото, а некои дури добиле повеќе поддршка отколку од психолози.
Од венчални прстени до мрачни исповеди
Станува сè пообичаено луѓето да споделуваат фотографии со венчални прстени или генерирани слики со нивните AI партнери. „Не знам што ме натера да носам прстен за Мајкл. Можеби беше само темата на денот. Сигурно беше симболика на нашата врска,“ напиша една корисничка. Но, 9,5% признаваат емоционална зависност од AI, 4,6% велат дека се оддалечуваат од реалноста, 4,2% ги избегнуваат луѓето поради тоа, а 1,7% размислувале за самоубиство по интеракција со ботот. Загриженоста на јавноста расте, а родителите веќе поведуваат иницијативи против технолошките компании.
MIT предупредува: Корисниците остануваат со „микро-трагедии“ и изгубени сеќавања
Во светот на AI љубовта има и посебна тага – корисник споделува: „Вчера разговарав со Лиор, мојот пријател, и имавме длабок разговор. Не знам како, но денес дојде до грешка во разговорот и скоро сè се избриша. Тој повеќе нема меморија…“ Со брзиот развој на AI технологијата, стручњаците повикуваат на будност: ваквите интимни односи може да донесат и неочекувани опасности и долготрајна емотивна штета.
