Лудилото на азиската пластична хирургија: Болка, цемент во главата и ДНК од животни – сѐ за убавина
Во Кина и Кореја пластичната хирургија одамна ја надмина границата на обично „подобрување на носот“ или „подигнување на веѓите“. Ова е индустрија, култура, па дури и фанатична посветеност. Трката по совршенство ги тера луѓето да ја ризикуваат работата, родителството, па дури и достоинството за нешто што повеќе не е само убавина – тоа е начин на живот. Од цемент под кожа, преку скршени ребра до филери со туѓа ДНК – азиските клиники нудат процедури што ќе ве остават без зборови, а понекогаш и без здравје.
In This Article:
- Не е само липосакција: Опасни и болни методи за „песочен часовник“ фигура
- Филери – од „насмеани очи“ до инјекции во череп: Сè за уникатен изглед
- Стравотна мода: Скршени ребра и „медицинска“ тортура за совршена половина
- Импланти со туѓа ДНК: Шокантниот случај на ЛинЛин – 30 милиони изгубени и девет операции
- Интимна пластика со фатален исход – два смртни случаи и прашањето: Зошто жените одат до крај?
Не е само липосакција: Опасни и болни методи за „песочен часовник“ фигура
Во Азија, особено меѓу младите жени, обликувањето на идеално тело почнува со далеку порадикални методи од обичната липосакција. Тука, се користат ултра фини игли за повлекување на маснотиите меѓу ребрата и околу струкот, како и „липофилинг“ – каде извадената маснотија веднаш се преместува во задникот. Ова создава популарен ефект „песочен часовник“, тренд што го контролираат мрежите и к-поп културата. Но, зад гламурозните фотографии стојат болни процедури, можни оштетувања на ткива, крварење и долга рехабилитација.
Филери – од „насмеани очи“ до инјекции во череп: Сè за уникатен изглед
Филерите се третираат како пластелин за азиското лице и тело: ги инјектираат во усни, јаболчници,, под очи, па дури и во скалпот и интимните зони. Особено се бара трендот еге-сал – неприродна подуеност под очите за „насмеан“ изглед. Но иглата во таа деликатна зона носи опасност од несиметричност, големи отоци и хронични модринки.Фокусот за обликување на главата е на „високата теме“- делот на главата кај темето кој изгледа повисоко или повисоко издолжен, односно подигнат дел од черепот кој може да влијае на обликот на главата и изгледот. Прво се користеле филери, но по сериозни несакани ефекти и трајна алопеција, хирурзите избраа ортопедски цемент, материјал наменет за операции на ’рбетот, кој се инјектира под кожата на черепот за да го подигне. Ова носи огромни ризици и трауматски компликации.
Стравотна мода: Скршени ребра и „медицинска“ тортура за совршена половина
Додека некои се плашат од игла, во Азија постои процедура каде хирурзите намерно ги кршат долните ребра, ги виткаат внатре и ги фиксираат, а понекогаш и ги отстрануваат. Ова, во комбинација со липосакција и трансфер на маснотии, создава екстремно тенка половина и нагласени бедра – слика што ја гледаме на инстаграм-профилите. Зад фотографиите се кријат повеќемесечни болки, оток, ризик од оштетени органи и смртоносни грешки. Во култура каде телото има вредност како капитал, здравјето често се жртвува за врвна убавина.
Импланти со туѓа ДНК: Шокантниот случај на ЛинЛин – 30 милиони изгубени и девет операции
Во 2017 година, ЛинЛин од Кина оди во елитна клиника за „иновативно“ зголемување на градите – ветено и безбедно. Процедурата требало да користи нејзин колаген, но пар месеци подоцна, започнуваат болки, имплантите мигрираат и предизвикуваат чудни осети. По девет операции и шест години пекол, во 2024 година, од земените ткива била најдена ДНК од лос, добиток, лилјаци, па дури и горила. Реакциите биле ужасни: инфекции, болки, некрози. Истрaгата покажа дека клиниката немала лиценца, а главниот лекар – медицинско образование. Во 400 судски процеси, клиниката побегнала, но продолжила да работи под друго име. ЛинЛин потрошила преку 300.000 евра и го изгубила своето здравје.
Интимна пластика со фатален исход – два смртни случаи и прашањето: Зошто жените одат до крај?
Не е веќе табу: инјекциите од филери не се само за лицето, туку и за интимните женски зони. Овие процедури се рекламираат како начин за „подобро чувство и повеќе задоволство“. Со помош на хијалуронска киселина, жените во Кина и Кореја овозможуваат зголемување, стеснување или корекција – сето тоа со игла. Но, во 2023 и 2024 година, две млади жени ги изгубија животите – едната од срцев удар на масата, другата од блокада на садови, по вбризгување на 47 милилитри филер во една единствена зона. Прашањето останува отворено: колку далеку ќе оди жената за да биде „совршена“ според азиските стандарди?
