Нов вид на љубов: Сопствениците на кучиња или одат секаде со нивните миленици или не мрдаат никаде!
Сопствениците на кучиња ширум светот одбираат да ги откажат летните патувања и вечери со пријатели, наместо да ги остават милениците сами или да плаќаат скапи аранжмани за да им се придружуваат насекаде.
In This Article:
Млади парови одбиваат семејни собири и излегувања без кучињата
Џордан Коен и Кристина Силиковски, двојка од Њујорк, решиле да го намалат излегувањето затоа што нивното куче не е добредојдено на семејните собири. „Само почнавме да кажуваме дека не можеме да дојдеме", вели Кристина. Тие не се единствени – многу други луѓе го адаптираат социјалниот живот според кучињата.
Њујорк поради ова стана pet friendly оаза
Ресторанот Sojourn Social стана омилена точка за сопствениците на кучиња, со специјални часови за кучиња и бесплатни чинии за нив. Луѓето ги носат кучињата како членови на семејството дури и во кафулињата. Истражувањата покажуваат дека речиси половина од сопствениците доживуваат анксиозност ако патуваат без миленикот, а 54% се грижат дека кучињата ќе се чувствуваат напуштени.
Емоционалната врска е скапоцена, но е и скапа: Милениците добиваат сè посебни третмани и услуги
Многумина се поврзани со милениците исто како со членови на семејството. Некои ги носат во салон за масажи со лаванда и не би се качиле во авион без нив. 2Емоционалниот трошок е поголем од финансискиот", вели директор на една од авиокомпаниите што поддржуваат патување со миленици.
