Крипто компанија измисли бизарно апче - не сте виделе нешто слично до сега
Со тоа што Американската агенција за храна и лекови (FDA) сега користи вештачка интелигенција за да ги "забрза" процесите за одобрување на нови лекови, како да повеќе не постојат граници за какви чудни производи може да бидат пуштени на пазарот. Компанијата Tharimmune Inc, која себе се декларира како крипто компанија, неодамна доби "позитивен фидбек" од FDA за лекот Nalmefene, клинички познат како TH104. Според порталот Filter, овој лек се развива како подолготрајна алтернатива на познатиот антагонист за опиоидни предозирања - Налаксон, кој обично делува помеѓу 20 и 90 минути.
In This Article:
- Nalmefene – Корисен за полицајците што ќе дојдат во контакт со дрога, смртоносен за наркоманите
- Фактите за опиоиди се испревртени: Допир до Фентанил ретко може да предизвика реакција, но лажни верувања ја влошуваат ситуацијата
- Tharimmune – Крипто компанија што развива лекови и се фали со Blockchain, но бизнис моделот е нејасен
Nalmefene – Корисен за полицајците што ќе дојдат во контакт со дрога, смртоносен за наркоманите
Налаксон лесно се администрира и од немедицински лица преку носот, и стана широко достапен без рецепт или преку програми за намалување на штетите. Nalmefene, пак, е различен – и не без контроверзии. Како што објави Filter, овој лек не е наменет за реверзија на предозирања кај лица со проблеми со зависност, туку за првите одговорни (полицајци, итна помош) и воени лица кои можеби ќе дојдат во контакт со опиоди. Дополнително, Nalmefene го зголемува ризикот од фатално предозирање кај самите корисници на дроги.
Фактите за опиоиди се испревртени: Допир до Фентанил ретко може да предизвика реакција, но лажни верувања ја влошуваат ситуацијата
Во реалноста, се смета дека предозирање со фентанил преку кожата е речиси невозможно – човек треба да внесе, инјектира или вшмркне дрога за да се предизвика реакција. Сепак, меѓу полицајците и други службеници раширено е верувањето дека случаен допир со супстанцијата може да предизвика и фатално предозирање. Оваа погрешна претпоставка создава сериозни проблеми при интеракцијата со ранливите групи од населението. Како што напоменува Maryland Office of Overdose Response: „Идејата дека некој може да се предозира само затоа што реагира на друго лице во предозирање, го претставува зависникот како токсичен, недопирлив и небезбеден.“
Tharimmune – Крипто компанија што развива лекови и се фали со Blockchain, но бизнис моделот е нејасен
Настаните стануваат уште поапсурдни кога ќе се земе предвид дека Tharimmune отворено се рекламира како крипто компанија со прикачена фармаколошка дивизија. “Tharimmune, Inc. ги поттикнува институционалното усвојување на blockchain и дигитализацијата на финансиските пазари преку стратегија за дигитални средства со Canton Coin,” се вели на нивната официјална веб-страна. “Tharimmune исто така работи како биотехничка компанија во клиничка фаза.” Canton Coin е дигитално средство поврзано со “The Canton Network,” приватна blockchain мрежа за врзување на средства од приватни компании на blockchain, како што е Nalmefene на Tharimmune. Како овој невообичаен бизнис модел ќе влијае врз развојот на лекот останува да се види – но ако лекот добие целосно одобрение од FDA, тоа ќе биде прв случај од ваков вид.
