Шок во одделот за долна облека во позната британска продавница: Тинејџерка исплашена откако биолошки маж што се идентификува како жена ја прашал дали ѝ треба помош со градникот
14-годишна девојка била длабоко потресена и „исплашена“ кога ѝ била понудена помош од трансродов вработен висок 188 сантиметри во секторот за женски градници во британската продавница Marks & Spencer. Настанот предизвика бурни реакции поради прашањето за соодветноста и заштитата на девојчињата во женските простори.
In This Article:
Мајката незадоволна: „Неприфатливо е биолошки маж да услужува тинејџерки во секторот за женска долна облека“
Мајката, револтирана од искуството на нејзината ќерка, испратила жалба до раководството на M&S. Според неа, вакви случаи се целосно несоодветни и го нарушуваат чувството на сигурност на младите девојчиња. Таа детално опиша како нејзината ќерка се повлекла исплашено кога ја пречекал трансродовиот вработен и како двете веднаш ја напуштиле продавницата, обземени од вознемиреност.
Извинување без гаранција: M&S се правда, но не нуди цврста политика за женска приватност
Од M&S признаа дека настанот ја потресол девојката и понудија извинување, нудејќи „за следната посета помош од женска колешка“. Иако велат дека нивните вработени работат низ сите сектори, ова решение не ја задоволи мајката, која побара одговорност и јасна политика да се спречат вакви ситуации во иднина. Сепак, раководството се држи до својата „инклузивност“, без јасна заштита на правата на девојките да се чувствуваат сигурни во женските простори.
Огорченост кај женската јавност: „Потребна е јасна заштита за девојчињата во женските простори“
Шефицата на организацијата „Sex Matters“, Фиона МекАна, изјави: „Ова е последица кога компаниите го ставаат чувството на мажите што се идентификуваат како жени пред безбедноста и правата на жените и девојките. Тоа не е пристојно, ниту е коректно да се дозволи биолошки маж да опслужува млади девојки во секторот за женска долна облека.“ Случајот го отвора прашањето за границите на инклузивноста и како тоа влијае на реалната заштита на жените во јавниот простор.
