„Корал“ ѕид со алги: Како да одгледувате суперхрана дома,а притоа да изгледа декоративно?
„Корал“ е ѕиден, домашен систем за алги, дизајниран од корејскиот дизајнер Хјунсок Ан и неговото студио Ulrim. Овој биореактор овозможува одгледување јадливи микроалги во мрежа од 4x4 клетки, при што секоја клетка содржи по два грама алги. Како што зрее алгата, клетките преминуваат од проѕирна во длабоко зелена боја, претворајќи го целиот систем во жива и динамична ѕидна инсталација.
Моќен природен ресурс
Алгите се моќен природен ресурс — произведуваат кислород и апсорбираат CO₂. „Корал“ има за цел да ја промени перцепцијата за алгите, прикажувајќи ги не како нешто непријатно, туку како убав, одржлив и неопходен елемент за иднината.
