Кога убавината станува зависност: Жените кои потрошија стотици илјади евра на пластична хирургија за да станат „живи кукли“
Во светот каде што пластичната хирургија е лесно достапна, некои жени го поминуваат прагот на разумното. Тие се одлучуваат на драматични трансформации, трошат огромни суми пари и се враќаат повторно и повторно под ножот. Секоја од нив носи своја приказна, тежина и нешто за размислување – што значи убавината денес и до каде можеме да одиме за да ја добиеме?
In This Article:
- Од обична медицинска сестра до интернет ѕвезда: Австралијката која вложи 200 илјади долари за нова верзија на себе
- Ерменката Лили Морто: Од темнокоса девојка до плавуша Барби
- Андреа Иванова од Бугарија: Жена со најголеми усни во светот, која веќе не може да ја препознае сопствената личност во огледало
- Од зависност кон операциите до „интернет кралица“: Животните приказни на Ханита Еметис и Алина Андриевска
Од обична медицинска сестра до интернет ѕвезда: Австралијката која вложи 200 илјади долари за нова верзија на себе
Тара од Мелбурн, Австралија, својата трансформација ја започна на 21 година кога татко и́ и подарил пари за првата пластична операција. Две децении и околу 200 илјади американски долари подоцна, таа веќе не е медицинска сестра, туку OnlyFans модел со бројни следбеници кои финансиски го поддржуваат нејзиниот пат кон „совршенството“.
Ерменката Лили Морто: Од темнокоса девојка до плавуша Барби
Моделот и блогерката Лили Морто од Ерменија, не беше задоволна од својот изглед. Со бројни операции, таа стана русокоса со сини очи и инспирација и́ е куклата Барби. Лили вложи огромни суми со цел да го оствари својот сон, а денес е дел од ТВ шоуа, има музички спотови и сонува за актерска кариера – и не запира со промените.
Андреа Иванова од Бугарија: Жена со најголеми усни во светот, која веќе не може да ја препознае сопствената личност во огледало
На само 20 години, Андреа почнува со промени инспирирани од Bratz куклите – на почетокот коса, потоа усни и по малку целото лице. Денес, на 27 години, таа е позната како жената со најполните усни во светот. Бугарските козметолози одбиваат да и́ прават нови зафати, па таа оди во Германија. Финансиската поддршка пристигнува од нејзините фанови и појавата на телевизиски емисии.
Од зависност кон операциите до „интернет кралица“: Животните приказни на Ханита Еметис и Алина Андриевска
Иранката Ханита Еметис отворено признава дека е зависна од пластичните интервенции – и родителите со својот бизнис и́ ја исполнуваат желбата. Алина Андриевска, модел и блогерка од Донецк, себеси се нарекува кралица, често носи круна и продолжува да се менува по неуспешниот брак. Таа тврди дека добро заработува од реклами и има фанови на сите мрежи. Од каде парите? Јавноста само нагаѓа – двата лика се доказ колку далеку оди современиот култ кон надворешниот изглед.
