Кина ја открива најамбициозната визија: До 2035 економија што 100% ја води вештачка интелигенција – промена што ќе го потресе светот
Додека западниот свет стравува од пукање на огромниот IT балон, Кина оди веќе на следното ниво – гради општество каде вештачката интелигенција ќе биде срцето на економијата, науката и секојдневието. План што носи потенцијал целосно да ја смени светската рамнотежа.
In This Article:
- Кинеската Влада усвои 10-годишен план: До 2027 шест столба на општеството длабоко интегрирани со вештачка интелигенција
- До 2030 – AI станува новата инфраструктура: Владата бара 90% интеграција во секојдневието
- До 2035 Kина предвидува целосна трансформација на економијата – Што значи „интелигентно општество“ со AI во срцето на производството?
- Кинеските AI-платформи ги стигаат американските: Само 8.1% разлика во перформанси, а Кина веќе е пред САД во некои клучни области
- Дали амбициите на Пекинг ќе донесат нова глобална ера или ќе останат визионерска фантазија?
Кинеската Влада усвои 10-годишен план: До 2027 шест столба на општеството длабоко интегрирани со вештачка интелигенција
Кинескиот Државен совет го претстави новиот десетгодишен план за развој на вештачка интелигенција. До 2027 година, шест главни општествени сектори – наука и технологија, благосостојба на граѓаните, индустриски развој, потрошувачка, управување и меѓународни односи – ќе функционираат во тесна поврзаност со AI системи.
До 2030 – AI станува новата инфраструктура: Владата бара 90% интеграција во секојдневието
Планот предвидува до 2030 година вештачката интелигенција да биде вклучена во 90% од сите активности, практично претворајќи ја во инфрастуктура од новата ера. Владата тврди дека AI ќе стане клучен погон на економијата, продолжувајќи ги успешните чекори од иницијативата „интернет плус“.
До 2035 Kина предвидува целосна трансформација на економијата – Што значи „интелигентно општество“ со AI во срцето на производството?
За 11 години, планот ветува драстично преосмислување на начинот на производство, социјални интеракции и економски модели: „AI ќе биде главниот мотор за развој, ќе овозможи влез во нова ера на интелигентна економија и општество, и ќе даде силна поддршка за длабока модернизација.“ Владата акцентира и дека вештачката интелигенција треба да биде „јавен добробит за човештвото“, сo поттик за отворен извор, поддршка за земјите од Глобалниот Југ и водење на ООН во регулирањето на AI.
Кинеските AI-платформи ги стигаат американските: Само 8.1% разлика во перформанси, а Кина веќе е пред САД во некои клучни области
Иако AI секторот во Кина расте брзо – како што покажа успехот на DeepSeek оваа година – моделите сè уште заостануваат зад американските по неколку месеци, главно поради ограничувања наметнати од западните држави. Но, разликата се стеснува. На крајот на 2023 година, американските AI модели беа подобри во 13% од тестовите за општо резонирање, а до средината на 2024 разликата падна на 8.1%. Новиот план го засилува развојот на основните технологии, сигурноста, снабдувањето со податоци и управувањето со енергија – делови во кои Кина веќе надминува дел од конкурентите.
Дали амбициите на Пекинг ќе донесат нова глобална ера или ќе останат визионерска фантазија?
Сеуште не е јасно дали државно координираните стратешки планови ќе го донесат ветениот прелом. Со оглед на минатото искуство со „интернет плус“ и брзиот напредок, Кина може да биде на прагот на огромна општествена промена чии последици ќе се почувствуваат низ целиот свет.
