Научници открија мозочен механизам што го поправа телото додека спиеме
Додека спиеме, телото ослободува 'хормон на раст', кој ги обновува и зацврстува нашите мускули и коски – но деталите како и зошто се случува тоа досега беа мистерија. Сега, научници од Универзитетот во Калифорнија, Беркли, открија специфични мозочни механизми кои го контролираат ослободувањето на овој хормон за време на сонот.
In This Article:
- Откриена е мозочна мрежа што „управува“ со хормонот на раст во сон
- Кругот што ги врзува спиењето и растот – преку балансот се одржува и мозокот и телото
- Недостаток на хормон на раст – зголемува ризик од дебелина, дијабет и срцеви болести
- Доаѓаат нови терапии за подобар сон и здравје преку таргетирање на мозочните кругови
Откриена е мозочна мрежа што „управува“ со хормонот на раст во сон
Истражувачите директно ја снимаа мозочната активност кај глувци во текот на повеќе циклуси сон-будење. Тие открија дека хормонот на раст се ослободува на различен начин во различни фази на спиење – во РЕМ (брзо движење на очите) и не-РЕМ фаза. Невронските клетки што поттикнуваат и спречуваат негово производство ја менуваат својата улога во текот на ноќта.
Кругот што ги врзува спиењето и растот – преку балансот се одржува и мозокот и телото
Пронајден е мошне деликатен баланс: ако недостасува сон, се намалува и лачењето на хормонот на раст; ако пак има премногу од овој хормон, мозокот повеќе тежнее кон будење. „Сонот го поттикнува хормонот на раст, а овој хормон, пак, се враќа и го регулира будењето. Овој баланс е есенцијален за раст, поправка и метаболичко здравје“, вели невронаучникот Даниел Силверман.
Недостаток на хормон на раст – зголемува ризик од дебелина, дијабет и срцеви болести
Освен што поттикнува раст, овој хормон управува со тоа како телото преработува гликоза и масти. Нерамнотежа поради малку сон зголемува ризик за дебелина, дијабет тип 2 и срцеви нарушувања. Новите откритија даваат надеж за подобро третирање овие здравствени состојби кај лица што имаат проблеми со спиењето.
Доаѓаат нови терапии за подобар сон и здравје преку таргетирање на мозочните кругови
Иако се потребни нови истражувања, сознанијата би може да доведат до хормонални терапии за подобрување на квалитетот на сонот или за воспоставување на нормален баланс на хормонот на раст. „Познавањето на оваа невронска мрежа отвора нови начини за таргетирање кај луѓето со нарушен сон – потенцијално и преку нови генски терапии што би ја смириле активноста на специфични мозочни ќелии“, заклучуваат научниците.
