Како едно британско семејство ја остави скапата Британија за Бугарија и заштеди повеќе од 25.000 евра годишно?
Во време кога секоја сметка во Британија ги стега обичните луѓе, семејството Смердон собра храброст и си го смени животот. Без хипотека и со сопствен дом, оваа фамилија сега живее во Бугарија и штеди повеќе од 2.000 евра месечно на животни трошоци. Преселбата од стресната Британија донела нова радост, слобода и чувство дека повторно се живее, а не се преживува.
In This Article:
Животот во Велика Британија станал неподнослив: Високи сметки, ограничувања и чувство на заробеност
Ами и Џери Смердон живееле под постојан финансиски притисок. Иако двајцата работеле, не можеле да си дозволат сопствен дом, а секој месец плаќале кирија од 1.300 фунти и дополнително 670 фунти за сметки – што е над 2.200 евра. Во Британија се чувствувале како да се заглавени во бескраен круг на сметки, рестрикции и пресуди за родителството. „Само преживувавме, не живеевме", раскажува Ами.
Радикална промена
Семејството Смердон секогаш сонуваше да живее надвор од британското секојдневие и да има свое катче. Кога Ами добила наследство по смртта на нејзиниот дедо, сфатила дека тоа е нивната шанса. Купуваат стара куќа и магацин близу Попово за само 8.200 евра. Џери го претворил магацинот во дом и во март 2025 целата фамилија се преселила трајно во Бугарија. За реновирање издвојуваат дополнителен буџет од 11.800 евра и полека си го градат новиот живот.
Нова слобода за децата и претежно безгрижен живот
Клучната промена за семејството е слободата. Децата можат да трчаат, да си играат слободно и гласно без страв од приговори и ограничувања. „Сега сме вистинско семејство – не само што преживуваме", вели Ами. Животот е поедноставен, а месечните трошоци паднале на само 230 евра. Но, признаваат дека не е се лесно: интеграцијата е тешка, понекогаш се чуствуваат осамено. Сепак, се радуваат на шансата да започнат одново.
Од преживување до среќа
Семејството Смердон не жали за својата одлука. Велика Британија им ја украла радоста, но во новата бугарска куќа повторно се чувствуваат живи. „Сè е едноставно и опуштено, како да се вративме назад низ времето. Нема ограничувања – ако сакаш нешто, можеш сам да го оствариш", вели Ами.
