Јапонската Баба Ванѓа предупредува на катастрофа во 2025 – луѓето масовно ги откажуваат летните одмори
Јапонска авторка на манга – јапонски стил на стрипови – и самопрогласена пророчица, Рјо Тацуки, ги вознемири граѓаните со предвидување за голема катастрофа што, според неа, ќе се случи во Јапонија на 5 јули 2025 година. Нејзините порано точни предвидувања натераа многу луѓе да ги откажат или одложат своите летни патувања во земјата. Паниката расте, а властите апелираат за смиреност.
In This Article:
Манга уметничка со историја на точни предвидувања
Уметница и авторка на популарниот стрип „Иднината што ја видов“, првпат ја издаде својата манга во 1999 година, каде предвиде „голема катастрофа“ во март 2011 година — што се совпадна со земјотресот и цунамито во Јапонија, што однесе над 18.000 животи. Таа исто така предвиде настани како смртта на Фреди Меркјури, принцезата Дајана, па дури и пандемијата на КОВИД-19 во 2020 година.
Пророштвото за 2025 година и масовната паника
Во издание на нејзината манга од 2021 година, Тацуки го предвиде датумот 5 јули 2025 како ден кога ќе се случи голема катастрофа во Јапонија. Ова доведе до масовно откажување на туристички патувања, особено од земји како Јужна Кореја, Тајван и Хонг Конг. Според „Bloomberg Intelligence“, резервациите од Хонг Конг паднале за 50% во споредба со минатата година, а патувањата за крајот на јуни и почетокот на јули опаднале дури за 83%.
Владата ги негира гласините, но стравот останува
Јапонските власти повикаа на разум и побараа од граѓаните и туристите да не се водат од неосновани и ненаучни тврдења. „Нема причина за грижа,“ изјави гувернерот на префектурата Мијаги, Јошихиро Мураи. Сепак, владата неодамна предупреди и на реална можност за голем земјотрес по должината на пацифичкиот брег кој би можел да одземе и до 298.000 животи. Самата Тацуки, иако со долга историја на точни предвидувања, повика: „Важно е да не се влијае непотребно … и да се слушаат мислењата на експертите.“
COMMENTS 