Индиски тинејџер ги поминал последните пет години во езерце за да ја ублажи болната кожна состојба
Икбал Шеик, младо момче од Муршидабад во Западен Бенгал, Индија, наводно поголемиот дел од последната половина деценија од својот живот го минал во мало езерце, бидејки водата му помагала да ја олади болната „кожа што гори“. И покрај бројните посети во болници и кај самопрогласени исцелители, никоj не успеал ниту да ја излекува, ниту дури да ја дијагностицира неговата состојба.
Кога излегува од водата предолго, болката станува неподнослива
Да се поминат пет години, ден и нок, во езерце звучи тешко за верување. Но според Икбал и неговото семејство, тој чувствува мачна болка ако остане надвор од водата подолго време. Тој е убеден дека неговата несрека е дело на „џин, самовила или друго натприродно суштество“.
На Редит, корисници ја препознаа ретката еритромелалгија
Видеа од 16-годишното момче, потопено во вода до вратот, неодамна станаа вирални на интернет и отворија жестока расправа за неговата состојба. Неколку корисници на Редит ги препознаа симптомите на Икбал како симптоми на ретка состојба наречена еритромелалгија. Таа најчесто ги зафака стапалата, но може да зафати и други делови од телото. Најчестите симптоми се чувство на горење на кожата и црвенило. Не е јасно што точно ја предизвикува еритромелалгијата, но дел од експертите веруваат дека може да биде генетска.
