Хајди Клум и ќерка ѝ Лени повторно во заедничка кампања за долна облека - невкусно или „зошто да не“?
Супермоделот Хајди Клум (52) за првпат јавно зборува по лавината реакции поради кампањите за долна облека кои ги направи заедно со својата ќерка Лени (21). Критиките беа особено насочени кон кампањата за италијанскиот бренд Интимисими, каде што мајката и ќерката позираа заедно. Додека дел од јавноста кампањата ја нарече „непримерна“, Хајди јасно кажува: нема да ѝ скрати сон на ќерка си поради ваквите реакции.
In This Article:
За семејството Клум телото е природа
Критиките најмногу се однесуваа на тоа дали е соодветно мајка и ќерка да позираат заедно во долна облека. „Многу луѓе велат: „Не знам дали е во ред мајка и ќерка да го прават ова заедно“. Но, за нас? Јас сум горда на ќерка ми. Не ѝ пречи да биде покрај мене така“, изјави Хајди. Таа објаснува дека во семејството Клум, телото не се гледа низ призма на срам или сексуализација. „Секогаш сум била многу отворена кога станува збор за моето тело. Кога се сончам дома, не секогаш носам горен дел од костим за капење. Јас сум Европејка... моите деца не ме знаат поинаку“, вели таа.
„Онлајн омразата не може да нѐ сруши“
Лени Клум, која официјално започна со манекенство во 2020 година, вели дека злобните коментари на интернет не допираат до неа. Напротив, таа вели дека отвореноста што ја негуваат во семејството ѝ помогнала да биде посамоуверена. „Секогаш се трудам да се потсетам дека што и да правиш, секогаш ќе има некој на кому тоа нема да му се допадне“, изјави Лени за Vogue Germany. Додава и со доза на хумор: „Повеќето коментари се на германски, а јас не ги разбирам баш сите – тоа помага, секако.“
Манекенството е семејна традиција
Иако Лени добивала понуди за таква кариера уште како дете, Хајди не дозволила таа да влезе во јавноста додека не почувствувала дека ќерка ѝ е доволно зрела и подготвена за тој свет. Хајди ги сподели овие детали во нова интервју-објава за People и потенцира дека се гордее со зрелоста на нејзината ќерка. Денес Лени студира во Њујорк и е во одличен манекенски залет, а Хајди не крие дека е горда и дека не ги сфаќа омаловажувањата присутни кај дел од јавноста. Модниот талент не завршува со Лени. Оваа година и синот Хенри (19) го направи своето деби на ревија во Париз, што покажува дека манекенството станува вистинска фамилијарна традиција во семејството Клум.
Семејството Клум не запира: По Лени на модната писта зачекори и синот Хенри
Модниот талент не завршува со Лени. Оваа година и синот Хенри (19) го направи своето деби на ревија во Париз, што покажува дека манекенството станува вистинска фамилијарна традиција во семејството Клум. Со сила, самодоверба и сопствен поглед на телесноста – тие продолжуваат да ги бранат своите ставови во еден често осудувачки свет.
