„Гремлини 3“ навистина ќе се случи: Култните суштества се враќаат на големо платно во 2027 година по 35 години пауза
По речиси една година шпекулации и гласини околу сценарио за потенцијален трет филм за Гремлини, конечно е потврдено: „Гремлини 3“ е во подготовка и доаѓа побрзо отколку што очекувавме. Официјалната вест пристигна утринава за време на телефонски повик со инвеститорите, кога претседателот на Warner Bros. Discovery, Дејвид Заслав, објави дека „Гремлини 3“ е додаден на распоредот за премиери на студиото и во моментов се планира за 19 ноември 2027 година.
Режисерот Крис Колумбус и Стивен Спилберг повторно заедно, нови сценаристи вклучени во проектот
За сега нема детали околу заплетот, но потврдено е дека Стивен Спилберг повторно ќе биде извршен продуцент на филмот, а режијата ќе ја преземе Крис Колумбус. Hollywood Reporter дополнително известува дека режисерите на Final Destination: Bloodlines, Зак Липовски и Адам Б. Стајн, ќе работат на сценариото за Колумбус. Колумбус има долго искуство со франшизата, бидејќи беше сценарист на оригиналниот хорор-комедија хит од 1984 година.
Поминаа 35 години од последниот Гремлини филм: Очекувањата се за враќање кон корените
Поминаа 35 години откако Гремлини беа присутни на големото платно. Продолжението The New Batch, режирано од оригиналниот режисер Џо Данте, значително се одалечи од хорор-корените и се сврти кон комедија, преполнета со пародии и омажи. Со враќањето на Колумбус во екипата, се очекува „Гремлини 3“ да возврати на оригиналот со поголемо акцент на хоророт, отколку на култниот, комичен пристап од вториот дел. Повеќе детали за третиот дел од франшизата ќе дознаеме како што се приближува актуелниот датум на премиерата – 19 ноември 2027 година.
