Еве колку часови годишно поминуваме користејќи ги нашите телефони во тоалет - и зошто лекарите предупредуваат за овој проблем
Ново истражување покажува дека Американците во просек поминуваат 49 часа годишно користејќи телефон додека се на тоалет – што е повеќе од два дена во вистинска смисла на зборот. Истражувањето на компанијата QS Supplies открива дека 66% од испитаниците најчесто скролaaт по социјални мрежи, 40% гледаат видеа, 37% одговараат на пораки, а 36% читаат вести или праќаат е-пошта. Дури 2% признале дека учествуваат во видео повици од тоалетот.
Тик ток задник
Генерацијата Z (родени меѓу 1997 и 2012) е најголем „виновник“, со просек од 54 часа годишно користење телефон на шолја. За многумина, ова станало момент на бегање од околината – 42% од луѓето признаваат дека се затвораат во тоалет само за да имаат мир, а 51% сакаат едноставно да бидат сами. Сепак, експертите предупредуваат дека оваа навика не е безопасна. Само 1 од 4 испитаници го чистат телефонот по користење во тоалет, а тоа претставува ризик од инфекции – од настинка до гастроинтестинални заболувања. Дополнително, долго седење на тоалет, дури и без напрегање, може да доведе до хемороиди – состојба позната и како „TikTok задник“. Гастроентеролозите советуваат: не поминувајте повеќе од 10-15 минути на тоалет и оставете го телефонот надвор од бањата – за ваше здравје и чистота.
