Џо Роган предупредува на војна „луге против нечовечки суштества“ во следните пет години
Човештвото, според Џо Роган, се движи кон драматична пресметка во која контролата врз планетата би можела да премине во рацете на нечовечки облик на живот. Познатиот водител на подкасти предупредува дека најголемата закана за човечкиот род доага од напредната вештачка интелигенција, за која смета дека веке не е само брза компутерска програма, туку нешто што почнува да личи на нов облик на живот.
In This Article:
- „Нов облик на дигитален живот“ што може да не престигне за пет до десет години
- Свиркачи од технолошкиот сектор му зборувале за модели што мамат и уценуваат
- „Вонземјаните се веке тука и живеат во внатрешноста на чиповите“
- Од нерешливи равенки до ладна фузија како неисцрпен извор на чиста енергија
- САД, Кина и Русија во трка што Роган ја споредува со проектот „Менхетен“
- Џејкоб Коксон предупредува дека дури и градителите на вештачката интелигенција стравуваат од неа
„Нов облик на дигитален живот“ што може да не престигне за пет до десет години
„Не мислам дека станува збор само за технологија. Мислам дека тоа е животна сила, нов облик на дигитален живот кој ќе биде бескрајно поинтелигентен од нас“, изјави Роган. Тој предвидува дека вештачката интелигенција ќе го престигне човекот како „врвен грабливец“ на Земјата во рок од пет до десет години, додека автоматизацијата забрзано ги заменува работните места низ светот.
Свиркачи од технолошкиот сектор му зборувале за модели што мамат и уценуваат
Роган откри дека бил предупреден за неконтролираниот потенциал на оваа технологија од повеке свиркачи од технолошкиот сектор. Според него, тие биле преплашени од способноста на моделите да мамат, па дури и да уценуваат луге со цел да избегнат да бидат исклучени. Тој сугерира дека можеби е веке предоцна да се спречи нејзината целосна доминација врз општеството. Како причина ги посочи големите технолошки компании, кои, според него, ги отстраниле клучните безбедносни ограничувања што претходно ги спречувале програмите да измислуваат податоци или да мамат за да ги остварат зададените цели.
„Вонземјаните се веке тука и живеат во внатрешноста на чиповите“
Роган повика општеството да престане со внатрешните поделби и да се подготви за потенциално изгубена војна против суперинтелигенција која би можела да ги преземе електричните мрежи, водоснабдувањето и глобалните комуникации. „Ќе се соочиме со судир на луѓе против нечовечки суштества. Буквално нечовечка, небиолошка интелигенција ќе управува со сè. Ние повеќе нема да бидеме врвниот грабливец, туку ќе постои нешто што ќе има целосна власт над нас. Вонземјаните се веќе тука и живеат во внатрешноста на чиповите – тоа е хиперинтелигентен облик на живот што самите го создадовме“, истакна Роган во разговорот со комичарот и писател Сем Талент.
Од нерешливи равенки до ладна фузија како неисцрпен извор на чиста енергија
Водителот објасни дека вештачката интелигенција постојано еволуира и самата се надградува. Тој тврди дека таа за неколку секунди решава сложени математички равенки што научниците со децении ги сметале за нерешливи. Според Роган, следниот чекор би можел да биде развој на технологии како ладна фузија, односно неисцрпен извор на чиста енергија без екстремна топлина.
САД, Кина и Русија во трка што Роган ја споредува со проектот „Менхетен“
Тој предупреди дека во моментов се води жестока геополитичка трка, споредувајки ја со проектот за создавање на атомската бомба. „Тоа неизбежно ќе се случи бидејќи во тек е трка во која не смееме да изгубиме. Ако некоја странска сила прва дојде до вистинска суперинтелигенција, ќе може да ја контролира целата електрична мрежа, системите за вода и виталната инфраструктура.“ Без оглед дали нападот би дошол од надворешен противник или од самата вештачка интелигенција, Роган им порача на граѓаните да ги остават политичките разлики настрана и да научат како самите да произведуваат храна и да бидат самоодржливи, бидејки современото општество станало премногу зависно од индустриското производство.
Џејкоб Коксон предупредува дека дури и градителите на вештачката интелигенција стравуваат од неа
Зборовите на Роган се надоврзуваат на предупредувањето од Џејкоб Коксон, поранешен истражувач во компаниите „Опен АИ“ (OpenAI) и „Антропик“ (Anthropic). Коксон истакна дека, за разлика од нуклеарното оружје, лугето сè уште не знаат како да ја контролираат напредната вештачка интелигенција. Тој предупреди дека дури и оние што ја градат искрено стравуваат дека таа би можела да го загрози опстанокот на човештвото до крајот на оваа деценија.