Дваесет години живеел во беда додека татко му криел дека се милијардери: Приказната за Џанг Зилонг, човекот кој цел живот мислел дека е сиромашен
Замислете дваесет години да живеете скромно, да сонувате само за плата од 800 долари и да жртвувате сѐ за да го исплатите семејниот долг – само за на крај да дознаете дека сте дел од семејство милијардери! Токму ова ја потресе цела Кина кога Џанг Зилонг ја откри вистината за своето потекло.
In This Article:
Таткото милијардер сакал да му го „кали“ карактерот на својот син
Иако сите околу нив знаеле дека таткото на Џанг поседува профитабилна фабрика, дома се зборувало единствено за долгови и жртви. Секоја чест за желбата да го направиш синот силен, но таткото забранил било каква привилегија, па дури и за факултетот син му морал сам да се избори, без 'врски' или пари.
На 24 години дозна дека нивната компанија заработува 600 милиони јуани годишно
На 24-годишна возраст, по години потрага по работа и појава на надеж дека ќе помогне да се исплатат 'долговите', татко му конечно ја отворилвратата кон вистината: „Јас сум претседател на една од најуспешните компании во Кина – таа што ги произведува најпознатите пикантни грицки Латиао (‘Mala Prince’)“ Заедно со тоа доаѓаат и бројки – 600 милиони јуани (околу 77 милиони евра) годишен промет.
Животот му се променил преку ноќ, но карактерот останал ист
Со самото признавање, татко му рекол веднаш да ги соберат работите – целото семејство се преселило во нова луксузна вила вредна 1,4 милиони евра. Но, работното место на Џанг не било загарантирано – започнал во одделот за електронска трговија и колегите кон него се однесувале како со секој друг млад вработен.
„Не сакав да пораснеш разгален и безобразен“
Во Кина, исто како и во други земји, 'фу ер даи' — деца на богати семејства, се синоним за безобразие и безобѕирност. Џанг разбира зошто татко му криел и вели: 'Сега имам амбиција да ја донесам оваа компанија на меѓународно ниво. Татко ми ми рече дека ќе ја наследам само ако одам подалеку од него'. Иако сега е богат, носи евтина облека и не се расфрла со луксуз.
