Деветгодишно момче во Франција преживеало две години целосно само, крадејќи домати и живеејќи во неизгреано станче, а сепак секој ден одело на училиште и бил примерен ученик
Во потресна вистинска приказна за преживување и храброст, на само девет години едно момче од Нерсак, Франција, останало само цели две години, напуштено од мајка си. И покрај тоа што често немал греење и струја, и се хранел со секој што ќе најде или што ќе добие милостина, детето ја зачувало редовноста — секојдневно одело на училиште и имало одлични оценки. Оваа шокантна приказна ја потресе француската јавност, отворајќи сериозни прашања за тоа како таквата сериозна негрижа можела толку долго да остане незабележана.
In This Article:
- Мајката живеела на само 5 километри, но одбивала да се грижи: Соседите предупредуваа, таа им возвраќала да си гледаат работа
- Живот во мрак и студ: Три покривки против зимата, без топла вода и фрижидер постојано празен
- Секој ден одело на училиште, перфектно чисто, учителите не забележале ништо: „Секогаш насмеан, добар ученик, воспитан... немаше знак дека е напуштен“
- Соседите реагирале, полицијата истражувала: Мајката лажела и застанала на суд, но докажале дека го напуштила синот
- Момчето сега е во згрижувачко семејство, одбива да ја види мајка му која доби затворска казна
Мајката живеела на само 5 километри, но одбивала да се грижи: Соседите предупредуваа, таа им возвраќала да си гледаат работа
Во судот во Ангулам, мајката на детето, Алeксандра (39), била осудена за занемарување. Таа живеела со својот партнер само пет километри оддалечено од синот. Соседите сведочеле: „Му направив мала градина, а детето доаѓаше тивко да земе домати за да јаде.“ На предупредувањата дека не смее да го остава само, таа одговорила: „Гледајте си работа, јас сум тука.“
Живот во мрак и студ: Три покривки против зимата, без топла вода и фрижидер постојано празен
Во текот на зимата, момчето се мотало во три ќебиња за да се згрева, бидејќи станот — дел од социјалното домување — бил неизгреан и без струја. Јавната обвинителка Ан Медјони коментирала: „Колку тажно! Ова дете немало начин да се измие со топла вода.“ Храната му ја давала мајка му од време на време (бисквити, слатки, конзерви), а најчесто крадел домати од блиската градина.
Секој ден одело на училиште, перфектно чисто, учителите не забележале ништо: „Секогаш насмеан, добар ученик, воспитан... немаше знак дека е напуштен“
Иако бил напуштен, детето секојдневно одело на училиште и се опишува како исклучително зрело и отпорно. Наставниците не знаеле за неговата ситуација, па го сметале за примерен ученик. Градоначалничката Барбара Кутурје потврдила: „Беше насмеан, многу добар ученик, секогаш чист, воспитан… немаше знак дека е напуштен.“ Дури и пријателите од училиште истакнале дека знае да каже отворено: „Му кажуваше на соучениците дека јаде сам и сам се враѓа со автобус. Не излегуваше, седеше дома.“
Соседите реагирале, полицијата истражувала: Мајката лажела и застанала на суд, но докажале дека го напуштила синот
Полицијата го истражувала случајот по дојава од загрижени соседи. Maјкaта, која имала старателство над детето, на полицијата и на судот тврдеше: „Не сум квочка, но тој ми е син.“ Таа тврдела дека детето ја посетувало кај нејзиниот партнер, но телефонските и локационите податоци докажале дека таа не ја зборува вистината. Кога ја прашале зошто нема храна во фрижидерот и нејзини лични работи во станот, рекла: „Четката за заби ми паднала зад полицата.“
Момчето сега е во згрижувачко семејство, одбива да ја види мајка му која доби затворска казна
Детето денес е вo згрижувачко семејство и одбива било каков контакт со мајка си, која доби 18 месеци затвор (од кои 12 условно) поради напуштање на малолетник. Сега казната ја издржува во домашен притвор и мора да оди на советување.
