Датумот на објавување на првииот iPhone на преклопување излезе на интернет - фановите воопшто не треба долго да чекаат
Apple наводно работи на првиот преклоплив iPhone, кој би можел да биде достапен во втората половина на 2026 година. Според извештаите на аналитичарите Џеф Пу и Минг-Чи Куо, уредот ќе има 5.5-инчен надворешен екран и 7.7-инчен внатрешен дисплеј, што би го направило сличен по големина на iPad Mini кога е отворен.
Но, тоа не е сѐ...
Најголемата иновација на Apple би можела да биде нова технологија што ќе овозможи екранот да се преклопува без видлив набор, што е еден од најголемите предизвици кај ваквите уреди. Освен телефонот, компанијата наводно развива и уште еден преклоплив уред со екран од 18 инчи, кој би можел да биде нов Mac или iPad.
Колку ќе чини?
Според аналитичарот Тим Лонг, цената на преклопливиот iPhone би можела да достигне 2,299 долари, што би го направило најскапиот смартфон на Apple досега. Оваа висока цена не е невообичаена, имајќи предвид дека конкуренцијата, како Samsung Galaxy Z Fold 6, веќе се продава по цена од 1,899 долари. Apple засега не го потврди развојот на ваков уред, но доколку гласините се покажат како точни, љубителите на iPhone би можеле да добијат револуционерен модел до крајот на следната година.
COMMENTS 