Човек, кој бил во сите 197 земји на светот, споделува кои се 5-те најлоши и зошто
Популарниот YouTuber Дру Бински, кој ја има посетено секоја земја на светот, сподели листа на пет места кои му оставиле најлош впечаток. Со повеќе од 5,14 милиони претплатници и над една милијарда прегледи, неговите видеа ги носат гледачите на виртуелни патувања низ светот.
Џибути и Чад
Првото место на неговата листа е Џибути, мала држава во Источна Африка, опкружена со Сомалија, Етиопија, Еритреја и Црвеното Море. При неговата посета во 2018 година, Бински се соочил со финансиски проблеми при пристигнувањето и сметал дека земјата е „обесхрабрувачки скапа“ со „малку нешта за правење“. И покрај силното воено присуство, тој не се чувствувал безбедно додека се движел низ улиците. Во Централна Африка, Бински го посети Чад, но неговото искуство било исполнето со непријатности. Тој бил разделен од неговиот пријател додека патувале со моторно такси, кое се испоставило дека е украдено, што довело до полициска потера. Покрај тоа, фотографирање дете без дозвола предизвикало инцидент во кој еден маж му се заканил со нож. И покрај негативното искуство, Бински изјави дека би му дал уште една шанса на Чад, особено заради интересот кон фестивалот Гереуол.
Гвинеја, Брунеи и Гвајана
Посетата на Гвинеја во 2019 година била една од најтешките за Бински. Тој пристигнал во период на воени преврати и сведочел на улични немири, при што вооружени полицајци трчале низ улиците. Дури и кога снимал со својот телефон, се чувствувал загрозено. Според него, во Гвинеја немало многу што да се направи, освен да се обидуваш да останеш безбеден. Во Азија, земјата што му оставила најлош впечаток е Брунеи. Иако го нарекол „интересно место“, тој го сметал за „негостољубиво“. Особено го вознемирил инцидентот во кој бил „избркан“ од Златната џамија од агресивен човек, без јасна причина. Сепак, Бински препорачува посета на националниот парк Улу Тембуронг, познат по своите природни убавини. Последното место на листата е Гвајана во Јужна Америка. Иако позната по своите амазонски шуми и културното богатство, Бински изјавил дека се чувствувал „многу небезбедно“ во главниот град Џорџтаун. Домаќинот во неговиот хостел го предупредил да не излегува по 19 часот, што оставило лош впечаток. И покрај овие негативни искуства, Бински продолжува со своите патувања и откривање на светот, споделувајќи ги своите впечатоци со милиони гледачи.
COMMENTS 