Бајковитата свадба на ќерката на Стив Џобс - чини 6,1 милиони евра и jа собра најголемата елита
Оваа недела, Ев Џобс, 27-годишната наследничка на Apple и успешен модел, ќе се омажи со олимпискиот шампион во јавање, Хари Чарлс, (26), во спектакуларна свадба во британскиот селски предел вредна 6,1 милион евра. Меѓу гостите се очекуваат познати лица како Камала Харис и настап на легендарниот Елтон Џон, што го прави настанот вистинска сензација и во светските медиуми.
In This Article:
Свадбата како од филм
Свадбата на Ев Џобс се организира од реномираниот свадбен планер Стенли Гати и според извори, целата околина е буквално „превртена наопаку“ поради наближувањето на овој настан со милионска вредност. На прецизно испланираната агенда гостите пристигнуваат уште од почетокот на неделата, а се очекуваат и имиња како Џесика Спрингстин, Мат Хелдерс од Arctic Monkeys, принцезата Беатрис и ќерките на Бил Гејтс, Џенифер и Фиби.
Личниот живот на Ев Џобс
Откако дипломираше на Стенфорд (каде што се запознале нејзините родители), Ев Џобс настапи на модните недели во Париз за брендови како Coperni, беше дел од светскиот куп во јавање коњи и се приклучи на добротворните работи на нејзината мајка. Денес, таа има потпишано со една од водечките модни агенции, се најде на насловната страница на Vogue Japan, а беше и дел од кампања на Louis Vuitton.
Наследство без милијарди, но со живот вреден приказна
Иако често се зборува дека Ев и нејзините браќа и сестри нема да добијат од милијардите од основачот на Apple, таа продолжува да гради свој независен живот и идентитет. Нејзините брат и сестра, Рид (33) и Ерин (29), ќе присуствуваат на свадбата, но не е јасно дали ќе биде присутна и нејзината полусестра Лиса Бренан-Џобс.
Моминско патување на Италијанското крајбрежје
Неколку недели пред свадбата, Ев отпатува со блиски пријателки на луксузно моминско патување на Капри, Италија. Меѓу гостинките беа олимписката шампионка Ејлин Гу и пријателките од Стенфорд, како и сестрата и мајката на нејзиниот избраник. Бајковитиот стил на Ев, но и скромниот и емпатичен однос, ја прават оваа најавена свадба повеќе од обичен гламурозен настан – вистинска љубовна приказна за новата генерација.
