Мајка од Австралија била пријавена во полиција затоа што има OnlyFans: „Јас само се борам за моето семејство“
Луси Бенкс, самохрана мајка на три деца од Перт, останала без поддршка од семејството, без заштеда и без излез по разводот. Наместо да падне во очај, таа избрала да се бори како никогаш претходно – напуштила стабилна банкарска работа и отворила профил на OnlyFans. Не за слава или лесни пари, туку за да може да биде до своите деца. „Луѓето велат: „Ќе направев сѐ за моите деца“ – ова беше моето сѐ“, вели Луси.
In This Article:
Жртва на осуда, малтретирање и закани поради нејзиниот избор
Од моментот кога се дознало за нејзината одлука, Луси станала објект на груби осуди и злонамерни коментари. Некои жени се претплатиле на нејзиниот OnlyFans за да ја злоупотребат приватноста – правеле слики, кои ги праќале низ групи. Не само тоа – еднаш во дворот нашла камен на кој било напишано нешто навредливо. Стравувајќи за безбедноста на себе и своите деца, Луси морала да се пресели, но проблемите допрва почнувале.
Потерувана од заедницата: Пријавена во полиција и до заштита на деца без причина
Најтешкиот удар следел кога полицијата ѝ соопштила дека против неа се поднесени повеќе пријави и дека некој ја пријавил и во службата за заштита на деца. Луси се скршила од страв и длабока тага. Сепак, полицијата ја уверила: не постои никаква основа за истрага, нејзините деца никогаш не се изложени на опасност. „Кога некој пријавува вакви неосновни работи, тоа повеќе зборува за нив, отколку за вас”, ѝ рекол полицаецот.
Најголемата болка: Некој му кажал на нејзиниот син за нејзината работа
И покрај целата храброст, најболно од сѐ било кога некој му кажал на нејзиниот најстар син за нејзината работа на OnlyFans. Тој имал само 10 години. „Ми го одзедоа правото како родител да му кажам јас, кога ќе дојде време”, вели Луси. Таа не бегала од тешкиот разговор, само сакала синот да биде доволно возрасен да ја разбере позадината зад нејзината одлука.
Од изолација до успех
Нејзиниот пат бил исполнет со навреди, но Луси покажа што значи вистинска издржливост. Еднаш една другарка ја прашала: „Што мислиш дека правиш? Дали навистина мислиш дека ќе станеш богата самохрана мајка?” – токму тоа и ѝ успеало. Денес води сопствена PR и маркетинг-агенција „Million Billion“, а е единствената жена-сопственик на Adult Industry Choice Awards. „Немам проблем со луѓе што заработуваат на секс-работа, но неправедно е корпорации или поранишни пријатели да те осудуваат, а тие сами да не работат ништо”, додава Луси.
