Археолозите открија втор „скриен град“ под пирамидите во Гиза
Тим истражувачи од Шкотска и Италија повторно изненадиja со нови откритија поврзани со мистериозните структури под познатите пирамиди во Гиза. Тие изјавија дека користеле радарска опрема за да детектираат голем број необични објекти длабоко под земја. Сега тие тврдат дека слични структури се откриени под соседната Пирамида на Менкаур.
И под пирамидата на Менкаур има комплекс?
Првичните изјави на тимот покренаа многу прашања кај експертите. Многу реномирани археолози изразија сомнежи во веродостојноста на наодите, бидејќи ваквите наоди изгледаат крајно неочекувано и бараат внимателна верификација. Сега еден италијанско-шкотски истражувачки тим тврди дека високофреквентните сигнали покажуваат присуство на истите структури под пирамидата на Менкаур, при што резултатите се 90% точни. Според експертите, ова укажува на постоење на огромен подземен комплекс длабок околу 600 метри.
„Претстои уште многу работа...“
И покрај ваквите смели тврдења, археолошката заедница продолжува да се однесува кон нив со претпазливост. Така, познатиот египтолог д-р Захи Хавас ја нарече новата хипотеза апсолутно неверојатна, забележувајќи го недостатокот на објективна експертиза и докази што ја поддржуваат. Водачот на тимот, Филипо Бионди, нагласи дека претстои уште многу работа, вклучително и објавување детални извештаи и добивање дозвола за дополнителни тестови на почвата. Сè уште не е јасно дали истражувачите ќе можат да докажат постоење на таен подземен свет под пирамидите или дали ова ќе остане предмет на дискусија и дебата.
