Археолози тврдат дека ја пронајдоа Атлантида: Древниот мистериозен град можеби лежи под морето кај Андалузија?
Археологот Мајкл Донелан е убеден дека го пронашол токму градот за кој околу две илјади години пишувал Платон. На неговото гостување во популарното шоу на Џо Роган, тој изнесе убедливи докази за постоење на потонат град во близина на брегот на Кадис, во Андалузија. Тимот на Донелан открил масивни концентрични ѕидови и долги линеарни структури, покриени со кал, кои се совпаѓаат со античките описи на познатиот филозоф.
In This Article:
Подводни структури на длабочина од 20 метри ги потврдуваат деталите од описот на Платон
Платон детално ги опишал раскошните храмови, обемните пристаништа и дури и специфичната клима во регионот Гадес, а тврдењата на тимот на Донелан совршено се вклопуваат со ова. Меѓу најважните наоди има подводни градби високи повеќе од 6 метри, сместени на околу 20 метри под сегашното морско ниво. Надворешниот ѕид е силно оштетен, како од ударот на огромното цунами, додека внатрешните прстени се речиси уништени.
Артефакти и трговски врски потврдуваат богатата историја на регионот Гадес
Истражувачите тврдат дека локацијата се совпаѓа со древните раскажувања за Гадес – регион познат по изобилието, природата и животинскиот свет, како и најстарата раса на коњи и племенски бикови што се користеле на земјоделските полиња и за борби. Пронајдените докази и за трговија со слонова коска го потврдуваат постоењето на врски со Азија и постоење на древна меѓународна трговија.
Скептицизам околу катастрофалната теорија на потеклото на Атлантида
И покрај сомнежите на многу научници за т.н. хипотеза на Јунгер Драјас според која Земјата се судрила со остатоци од комета и претрпела глобални катастрофи пред околу 12.000 години, Донелан инсистира дека постојат докази за ваква катастрофа во минатото. Останува да се види дали навистина легендата за Атлантида, која ги опседнува истражувачите низ вековите, конечно е пред откривање.
