Поставете ги овие 36 прашања за да се заљубите: Виралниот експеримент што успева
Дали е можно само со поставување на посебно подготвен сет прашања двајца луѓе да почувствуваат длабока блискост, па дури и да се вљубат? 36-те прашања што водат до љубов се дел од експеримент кој стана светски познат и инспирираше луѓе да го пробаат овој пристап во потрагата по интимност. Но, што се крие зад оваа необична научна приказна?
In This Article:
Научниците измислиле прашања за да создадат блискост, а тие станале вирусна сензација
36-те прашања биле развиени во деведесеттите од психологот Артур Арон и неговиот тим, со цел да дознаат дали двајца потполно непознати ќе создадат блискост разменувајќи се’ подлабоки и лични прашања. Вистински бум на интересот настана откако во 2015 година во New York Times беше објавена лична приказна од Мeнди Лен Катрон, која со овие прашања отиде на прв состанок – и заврши во брак со тој човек.
Група I
Група I • Ако можевте да изберете било која личност во светот, кого би сакале да ви биде гостин на вечера? • Би сакале ли да бидете славни? Во кој аспект или на кој начин? • Пред да се јавите по телефон, дали некогаш вежбате што ќе кажете? Зошто? • Како би изгледал „идеалниот“ ден за вас? • Кога последен пат пеевте за себе? А за некој друг? • Ако можевте да живеете до 90 години, но во последните 60 години да го имате умот или телото на 30-годишник, што би избрале? • Дали имате тајно претчувство за тоа како ќе умрете? • Наведете три работи што ве поврзуваат со вашиот партнер. • За што во вашиот живот сте најблагодарни? • Ако можевте да промените една работа во начинот на кој сте биле воспитани, што би било тоа? • Одвојте четири минути и раскажете му ја на вашиот партнер вашата животна приказна, што е можно подетално. • Ако можевте да се разбудите утре со нов квалитет или способност, што би било тоа?
Група II
• Ако кристална топка можеше да ви ја открие вистината за вас, вашиот живот, иднината или било што друго, што би сакале да дознаете? • Дали постои нешто што отсекогаш сте сонувале да го направите? Зошто сè уште не сте го направиле? • Кое е вашето најголемо достигнување во животот? • Што најмногу цените во пријателството? • Кое е вашето најдрагоцено сеќавање? • Кое е вашето најлошо сеќавање? • Ако знаевте дека за една година ненадејно ќе умрете, дали би промениле нешто во начинот на кој живеете сега? Зошто? • Што значи пријателството за вас? • Каква улога имаат љубовта и нежноста во вашиот живот? • Наизменично наведете пет позитивни особини што ги забележувате кај вашиот партнер. • Колку блиско и топло е вашето семејство? Дали мислите дека вашето детство било посреќно од детството на повеќето луѓе? • Како би го опишале вашиот однос со мајка ви?
Група III
• Направете три вистинити изјави што почнуваат со „ние“. На пример: „И двајцата во оваа соба чувствуваме...“ • Дополнете ја реченицата: „Сакам да имав некој со кого би можел да споделам...“ • Ако планирате да станете блиски пријатели со вашиот партнер, кажете му што е важно да знае за вас. • Кажете му на вашиот партнер што ви се допаѓа кај него; бидете искрени и споделете работи што не би му ги кажале на некој што штотуку сте го запознале. • Споделете со вашиот партнер еден непријатен момент од вашиот живот. • Кога последен пат плачевте пред друго лице? А кога самите? • Кажете му на вашиот партнер што веќе ви се допаѓа кај него. • Што, ако воопшто има нешто, е премногу сериозно за да се шегувате за тоа? • Ако умревте вечерва, без можност да комуницирате со било кого, за што најмногу би се каеле што не сте му кажале на некого? Зошто сè уште не сте му кажале? • Вашиот дом, со сè што поседувате, се запалува. Откако ќе ги спасите вашите најблиски и миленичиња, имате време да спасите уште еден предмет. Што би било тоа и зошто? • Од сите луѓе во вашето семејство, чија смрт би ве погодила најмногу? Зошто? • Споделете личен проблем и побарајте од вашиот партнер совет за тоа како би можеле да се справите со него. Потоа, замолете го да ви каже како мисли дека се чувствувате во врска со тој проблем.
