„Имам 33 години и патувам сама низ светот веќе 15 години — не сакам да се смирам и да се омажам“
Додека многу жени во своите триесетти се фокусирани на купување дом, брак и деца, Дајзи Дајк од Дорсет, Англија избрала животна патека спротивна на нормите. Веќе 15 години постојано патува сама низ светот и воопшто не размислува за „нормален“ живот. „Никогаш не почувствував желба да се средам“, вели таа. Нејзиниот пат започнал со година пауза во Австралија кога имала 18 години – место од кое не сакала да се врати на секојдневието.
In This Article:
69 држави, 15 години на пат и работа која не постоеше кога почнав
На само 18 години, Дајзи заминала во Австралија со работна виза, верувајќи дека ќе „си ја исполни желбата за патување“, но спротивното се случило – патувањето станало нејзин начин на живот. За 15 години поминала низ 69 држави, работела на ранч како каубојка во Австралија, живеела со племе во Борнео, студирала во Ливерпул, работела во Грција, Јужна Америка, Нов Зеланд, Тонга, Хаваи, патувала низ Африка... „Јас сум 33, сингл, работам работа што не ни постоеше кога почнав да патувам“, раскажува таа.
Сомнежи, критики и пропуштени моментиж
Иако изгледа како авантура од сон, животот во движење носи свои жртви. Најтешкото за Дајзи е што пропушта важни моменти дома – блискоста со семејството и настаните со пријателите. „Семејството ми е многу важно, ми недостигаат настаните, но секогаш одам дома за свадбите на пријателите“, вели таа. Љубовта исто така не е лесна – „можеби ќе запознаете совршен маж, но потоа мора да се разделите. Но, верувам дека кога ќе биде вистинскиот, ќе успее."
Онлајн хејтери, стереотипи и лична сила – не постои „правилен“ живот
Тролови на интернет ѝ велат дека мора да се омажи и „среди“. Во шега се нарекува себеси „несреќна стара мома“, но наместо да попушти, добива уште поголема мотивација. „Постојат многу гласови, особено кон жените, дека мора да живееме по некој шаблон, а тоа е апсурдно. Избери живот што те прави среќна – нема еден вистински пат." И покрај притисокот, таа е среќна и се радува на среќата на своите пријатели, без разлика каква патека избрале: „Сите сме на различни патишта и секој треба да се слави еднакво“.
