1.000.000 долари за оној што ќе може да го дешифрира значењето на натписите од долината Инд
Властите на индискиот сојузен регион Тамил Наду понудија награда од еден милион долари за оној што ќе успее да ја дешифрира тајната писменост на цивилизацијата од долината на Инд. Станува збор за една од најстарите цивилизации на светот, која постоела пред околу 5300 години на територијата на денешна Индија и Пакистан. Индската цивилизација била високоразвиена, со урбанистички уредени градови, дво- и трокатни куќи, напредни системи за водоснабдување и канализација. Сепак, најголемата мистерија останува нивната неразјаснета писменост. Првиот артефакт со вакви знаци бил откриен во 1875 година во Харапа (Пакистан), од страна на британскиот археолог Александар Канингем. Печати со симболи – кратки секвенци од 5-6 знаци – биле пронајдени во илјадници примероци. Од вкупно 5644 артефакти, 3821 содржат натписи, со вкупно 18 680 симболи. Реткост претставува натписот од Дхолавира со 9 симболи – најдолгиот досега откриен.
Други мистериозни писмени системи
Недостигот на подолги текстови, како и отсуството на нешто слично на Розетскиот камен, го прави дешифрирањето речиси невозможно. Без паралелен превод или податоци за јазикот, истражувачите немаат јасна основа за анализа. Главниот министер на Тамил Наду, Мутхувел Карунаниди Сталин, одлучил да поттикне глобален интерес преку парична награда. Овој потег потсетува на успешен случај од 2023 година, кога со помош на вештачка интелигенција биле прочитани изгорени латински свитоци од Херкуланум. Индската писменост е само една од неколкуте мистериозни писмени системи, заедно со Линерано писмо А од Крит, ронго-ронго симболите од Велигденскиот остров и таинствениот Ракопис на Војнич, за кои науката сè уште нема одговор.
