100 пластични операции до 18 години: Шокантната приказна на Џоу Чуна, кинеската инфлуенсерка што плаќа висока цена за совршенството
Џоу Чуна не е обична блогерка. Родена во 2001 година, таа стана славна по своето лице – или поточно, по безбројните корекции кои ги претрпе. Од својата 13-та година, пластичната хирургија стана нејзината животна мисија. Досега има над 100 пластични операции и повеќе од 4 милиони јуани (550 000 евра) потрошени на нејзиниот изглед. Нејзините приказни и нецензурирани фотографии „пред и после“ ја потресоа кинеската интернет заедница.
In This Article:
Сè започнало на 13 години: Првиот хируршки зафат и родителската поддршка
На 13 години, Џоу Чуна веќе се чувствувала различно од своите соученички. Првата операција ѝ била за создавање на двојна линија на горниот капак на окото, стил кој бил популарен меѓу кинеските идоли и актерки, особено кај актерката Естер Ју. Наместо да ја одвратат, родителите ја поддржале: „Ако сакаш да бидеш убава, треба да почнеш рано“, рекла мајка ѝ. Со поттик од семејството, Џоу сфатила дека убавината може да се „купи“.
Десетици операции, болка и илјадници следбеници
Патувањето продолжило со нова операција на носот, потоа образите, челото, усните, градите, веѓите, вилицата... Три пати го менувала обликот на брадата. Лицето ја болело, не можела да џвака, но важно секогаш се насмевнувала пред камерите. На 16 години веќе била инфлуенсерка – новиот изглед ѝ носел илјадници следбеници и милиони лајкови. Нејзината цел стана стратегија: секоја постоперативна слика била инвестиција за повеќе внимание и договори. Нејзиното лице стана бизнис.
Зад совршената маска: Константна болка, анксиозност и лична загуба
Зад совршените селфија се криела друга приказна. „Почнав да имам проблеми со меморијата, постојано ме болеше лицето, кожата ми стана како пергамент, не можев да спијам на страна", признава Џоу. Се губела себеси во огледалото. Докторите едвај ѝ дозволувале понатамошни операции, бидејќи кожата не ѝ се регенерирала. Нејзината психа била истоштена, а реалноста далеку од инстаграм принцезата.
Опсесија или тренд: Кинескиот бран на пластични операции
Џоу не е единствена. Повеќе од 20 милиони пластични процедури се прават годишно во Кина, а 80% од клиентите се жени под 25 години. Инфлуенсерките и салоните ја формираат новата реалност: за да бидеш вредна, мора да изгледаш совршено. Но парадоксот е јасен: што повеќе се приближуваш до идеалот, толку повеќе изгледаш како кукла – а луѓето се чувствуваат непријатно од нереалните лица, без изрази и емоции. Џоу и денес речиси никогаш не се појавува без филтер – и сè уште не може да се откаже од трката за убавината, и покрај болката и последиците.
